Ez dut gauza originalik esaten 2020. urte hau berezia izaten ari dela badiot. Baina denontzat ezagunak diren arrazoiengatik harago, IZTko kideontzat urte berezia da aurtengoa. 15 urte bete dira gure ibilbidea hasi genuenetik. Horrelako kooperatiba bat eraiki duen edonork badaki zenbat lan egin behar den proiektua bideragarria dela frogatzen duzun arte.

Telelana... Duela gutxi arte telelana film batzuetan agertzen zen bitxikeri baten moduan ikusten genuen, pijaman eta etxeko zapatillekin pribilegiatu gutxi batzuk soilik lortzen zuten lan oso “cool” mota bat zen, gure egunerokotasunetik oso urruti zegoena.

Baina 4 hilabeteko konfinamendua eta datozen hilabeteetako aurreikuspen ezegonkorraren ondoren ia etxe guztietan sartu den jarduera dela esan genezake. Izugarria da tresna teknologikoen erabileran zenbat ikasi dugun guztiok, hain denbora tarte laburrean.

Aurreko batean telelana egiteko urruneko atzipen sistema batzuk aipatu genituen. Oraingoan berriz, niri, dokumentuak lainoan kudeatu eta partekatzeko aukerak azaltzea tokatu zait.

Dokumentuak lainoan kudeatzeko soluzioez hitz egitean, denoi, ziurrenik, bi datozkigu burura: Google Drive eta Dropbox. Gutako gehienontzako lainoarekin izan genuen lehen harremana bi hauetako batekin izan baitzen. Hauekin ikasi genuen zer zen lainoa eta zein aukera eskaintzen zituen, edozein lekutik norberaren dokumentuetara sarbidea izateak bide berri asko ireki zizkigun.

Askotan galdetu diguzue zeintzuk diren Udal batek IKTetan aintzat hartu behar dituen gai garrantzitsuenak. Zaila da galdera horri erantzun bakar eta azkar bat ematea. Baina artikulu honetan gako nagusiak laburbitzen saiatuko naiz.

Bistakoa da zaila eta arriskutsua dela IKTetaz plano teoriko batean hitz egitea, kasu zehatz batean oinarritu gabe. Izan ere udalaren tamaina, baliabideak, kultura digitala, azpiegituraren egoera eta abar luze batek asko balindatzen baitute gaia enfokatzeko modua.

Oso ariketa argigarria iruditzen zait tarteka pentsatzea zer gertatuko ote litzatekeen zerbitzarian edo ordenagailuan gordetzen dugun informazioa galduko bagenu. Etengabe errepikatzen dugu antolakundeetan informazioa funtsezko aktiboa dela, ezinbestekoa. Eta hau galduz gero kolokan jar daiteke antolakundearen biziraupen bera ere.

Gaurkoan egitasmo bat ekarri nahi dugu eraldaketa digitalaren adibide erreal gisa. Aztiker Soziologia Ikergunearentzat, gizarte ikerkuntzarako Zoom tresna (zoom.eus) garatu genuen 2020. urtean, pandemia bete-betean zegoela. (bete-betean baino, justu aurretik, zoom bideo-konferentzien plataforma famatua egin aurretik…)

Aztikerreko Asier Etxenikeri eskatu diogu egitasmo honen nondik norakoak kontatu eta prozesu honetan zer irabazi duten adierazteko.

Digilagun egitasmoaren helburuak bi dira; batetik aztarna ekologikoa gutxitzeko helburuarekin ordenagailuen bizitza luzatzea, eta bestetik gizartean gero eta handiagoa den arrakala digitala gutxitzeko gure ekarpena egitea. Horretarako, gure bezeroak erabilera profesionalerako baztertzen dituzten ordenagailuak hartu, garbitu eta erabilera pertsonal egoki baterako prestatzen ditugu. Gizarte eragile ezberdinen laguntzaren bidez, ordenagailu hauek beharra duten pertsonen eskuetan jarriko ditugu.

#Digilagun egitasmoa martxan jarri dugu, eta lehendabiziko 7 ekipo informatiko entregatu ditugu Zaldibian. Zaldibiako udaletxearekin elkarlanean, bertako gizarte zerbitzuen saila arduratuko da ekipo hauen banaketaz. Ikasten ari diren emakume helduak izango dira oraingoan ekipo hauek jasoko dituztenak. Pozik gaude egitasmo hau martxan jarri dugulako, eta horrelako erabilpena emango zailea ikusirik aurrera begira oraindik eta ilusio handiagoarekin jarraituko dugu lanean.

Gaur Batzen, Gazteak Enpleguratzeko Harrera Sistemaz arduratzen den kooperatibari, #Digilagun egitasmoko 3 ordenagailu eman dizkiogu. Egunerokoan egiten duten lan eder horretan lagungarri izatea espero dugu. Digilagun egitasmoa eraldaketa sozialean lagundu nahi duen proeiktua da, eta horretarako Batzen bezalako eragileekin elkarlana ezinbestekoa da guretzat.

Gaur goizean CICBiomaGUNEn egon gara, bertan Jorge Del Alamo [IT zerbitzuko teknikaria] eta Ada Herrerorekin [jasangarritasun batzordea]  egon gara. 10 ekipo eman dizkigute Digilagun egitasmora bideratuak izan daitezen. Gure eskerrik beroena eman nahi dizkiegu egindako ekarpenagatik. Orain, ekipo hauek prestatu eta beharra dagoen eremu batera bideratuko ditugu. Hurrengo urratsen berri ere informatuko dugu.

Andoaingo Ondarreta Ikastetxeko Zuzendaritzarekin elkarlanean, Digilagun egitasmoko 20 ekipo informatiko entregatu genituen lehengo astean. Duela bi hilabete egin genuen lehen harremana bertako Zuzendariarekin, eta gure egitasmoa aurkezteaz gain, ekipo informatikoak eskeini genizkien. Barne mailan eginiko lanketa baten ondorioz, 23 ekipo behar zirela ondorioztatu zuten eta hauek banatzeko irizpideak zehaztu zituzten. Lehengo astean bertan izan ginen eta ekipoak entregatu genituen.